试举几例。
“今朝冷得‘吓人’。”
“落雷雨之前，天色老‘吓人’嗰。”
“搿腔哩（这一阵）随便啥小菜价钿侪贵得‘吓人’。”
“今朝阿拉屋里小鬼嗰功课多得 ‘吓人’。”
“南京路好去嗰啊，店里厢人多得 ‘吓人’。”
“哦唷，侬覅客气了，倷两个女儿从小侪漂亮得‘吓人’。”
“哎，我年纪还弗大呀，伊叫我声‘阿婆’，侬讲‘吓人’ 啦。”
讲法讲法，就会觉着只讲“吓人”两个字还不够“吓人”，于是就开始添油加醋起来。
这也是上海人天性使然，方言发展规律使然。
首先出现的是“添字法”。“吓人”变成了“吓煞坏人”。
例：“今朝伊嗰公共汽车司机拿车子开得快得 ‘吓煞坏人’。”
需要解释的是，“吓煞坏人”应读作“吓/煞坏/人”，而不是“吓煞/坏人”，不吓煞好人。
“吓煞坏人”的近义词是“吓人倒怪”和“吓得煞人”，用法完全相同。
既然有了“吓得煞人”，也就有了它的否定形式“吓弗煞人”。
例：“哦唷，迭眼小事体，‘吓弗煞人’嗰。”
否定式又派生出反意疑问式。
“哦唷，侬吓我是 ？”
例：“昨日上班还穿得邋里邋遢，今朝休息日脚就穿得山青水绿，侬吓我是 ？”